最索丫鬟︳陳婉婷首次確診即失去兩個機會 無奈放負：偏偏而家先嚟中？

https://skypost.ulifestyle.com.hk/article/3547311/%E6%9C%80%E7%B4%A2%E4%B8%AB%E9%AC%9F%EF%B8%B3%E9%99%B3%E5%A9%89%E5%A9%B7%E9%A6%96%E6%AC%A1%E7%A2%BA%E8%A8%BA%E5%8D%B3%E5%A4%B1%E5%8E%BB%E5%85%A9%E5%80%8B%E6%A9%9F%E6%9C%83%20%E7%84%A1%E5%A5%88%E6%94%BE%E8%B2%A0%EF%BC%9A%E5%81%8F%E5%81%8F%E8%80%8C%E5%AE%B6%E5%85%88%E5%9A%9F%E4%B8%AD%EF%BC%9F

有TVB「最索丫鬟」稱號的陳婉婷（Hebe）於2019離開無綫後，轉型當上KOL，還有繼續幕前演出的工作，曾經參與拍攝ViuTV劇集《地產仔》及綜藝節目《家務戰場》，仲有份拍Anson Lo盧瀚霆首齣擔正電影《假冒女團》。日前《2023 ACE 演藝模特大賽》活動上，陳婉婷參賽成人組別，事業發展看似計劃得十分妥當。

可惜世事難料，陳婉婷前日（12日）在網上自爆確診，無奈地要推掉電影工作及退出演藝模特大賽。她在IG寫上：「噢！我確診咗！第一次中！好辛苦呀！條線仲係黑色嘅。唔明點解，早唔中，遲唔中，偏偏而家先嚟中？」

她公開向電影公司致歉，「因為今日（12日）係我期待已久嘅日子呀！記得前陣子喺我生日嘅時候，好開心收到一份好有心嘅劇本，可以飾演一個充滿挑戰性嘅角色，而今日係我第一日拍攝，扮演呢個角色！我非常感激導演同埋劇組揀選咗我，所以我亦都為咗報答佢哋畀機會我，之前用咗好多時間同心機去準備做好呢個角色！但好可惜！好遺憾！我辜負咗好多人嘅期望！也白費咗之前嘅努力準備！因為偏偏呢時候中咗COVID！我好無奈！我有責任保護大家，所以已立即通知電影相關單位，未能出演角色！今次麻煩到大家，對此我深感抱歉！」

陳婉婷入圍《2023 ACE 演藝模特大賽》，亦要選擇退出比賽，她說︰「本來聽日（13日）我要參與一個比賽嘅準決賽，亦都好遺憾，我又因病未能出席，在此要多謝評判畀機會我通過海選同埋初賽，希望大家good show。相信我留喺屋企休息一兩日之後，應該會好快好番嘅！之後再好好努力重新出發，不便之處，希望大家見諒，再一次感激畀機會我嘅人。」